មន្ត្រីគយធ្វើទារុណកម្មពេលបង្ក្រាបរងបណ្តឹងពីអ្នករត់ឡានតូចដឹកទំនិញទារជម្ងឺចិត្ត២០ម៉ឺនដុល្លារ
02-June-2016 | ដោយ មែន កំសត់
ខេត្តបន្ទាយមាន ជ័យ៖មន្ត្រីគយដែលបានធ្វើទារុណកម្មនិង រំលោភសិទ្ធិមនុស្សពេលបង្ក្រាបអំពើរត់ពន្ធបានរងបណ្តឹងពីអ្នករត់ ឡានតូចតាក់ស៊ីតែដឹកទំនិញដោយទារសំណងជំងឺចិត្តដល់ទៅ២០ម៉ឺន ដុល្លារបើទោះបីជាគ្មានសង្ឃឹមថាមន្ត្រីគ្នាគេនឹងចាត់ការដោយរបៀបណា ក៍ដោយ។
ឈ្មោះពែកចាន់រ៉ាហៅត្រេនភេទប្រុសអាយុ២៦ឆ្នាំរស់នៅ ភូមិក្បាលស្ពានសង្កាត់ប៉ោយប៉ែតក្រុងប៉ោយប៉ែតខេត្តបន្ទាយមានជ័យដែល អះអាងថាខ្លួនជាជនរងគ្រោះត្រូវមន្ត្រីគយនឹងមន្ត្រីអាវុធហត្ថវាយ ឲ្យរងរបួសធ្ងន់ធ្ងរកន្លងមកនោះបានសម្រេចដាក់ពាក្យបណ្តឹងទៅ តុលាការខេត្តបន្ទាយមានជ័យកាលពីថ្ងៃទី៣០ឧសភាឆ្នាំ២០១៦។គេបានប្តឹង បន្ទាប់ពីកម្លាំងកងរាជអាវុធហត្ថនិងមន្ត្រីគយចល័តប្រចាំផ្លូវជាតិ លេខ៥កែងផ្លូវ៥០ម៉ែត្រនៅចំណុចភូមិកូមដំរីសង្កាត់និមិត្តក្រុង ប៉ោយប៉ែតខេត្តបន្ទាយមាន ជ័យបានស្ទាក់បង្ក្រាបរថយន្តដឹកទំនិញគេចពន្ធរបស់គេកាលពីថ្ងៃសុក្រ ទី១៣ខែឧសភាឆ្នាំ២០១៦វេលាម៉ោង៥:៥០នាទីល្ងាច។
កាលណោះ មានគ្រោះថ្នាក់មួយ គឺរថយន្តដឹកទំនិញគេចពន្ធរបស់បុរសនេះ បានព្យាយាមបើករត់មិនបង់ពន្ធហើយឡានគយ បានដេញតាមរួចក៍បំបុកគ្នាបណ្តាល អោយខូចខាតយ៉ាងដំណំដែរ។ កម្លាំងគយនឹងអាវុធហត្ថបានចុះចាប់អូស-កអ្នកបើកបរ រថយន្តតាក់ស៊ីនោះបាន។ ដោយកំហឹងនិងការរើបម្រាសនិងប្រទូស្តរាយគ្នាមន្ត្រីគយនិងកម្លាំង អាវុធហត្ថបាន និងអុកផងទប់បែប ទារុណកម្មចាប់បុកផ្អឹបរឹត-កធ្វើអោយឱ្យអ្នកបើកតាក់ស៊ីនោះស្ទើរ ដាច់ខ្យល់រងការឈឺចាប់ជាខ្លាំង។
ការសម្រេចដាក់ពាក្យប្ដឹង នេះអ្នករត់ឡានតាក់ស៊ីដឹកឥវ៉ាន់រត់ពន្ធនិយាយដោយខឹងសម្បារថា:" ចាំបាត់ចាំបាត់។រង់ចាំអ្នកធំមន្ត្រីអាជ្ញាធរនិងសមត្ថកិច្ចថា ដោះស្រាយជិតមួយខែហើយប៉ុន្តែពុំទទួលបានលទ្ធផលអីសោះ"។ហើយមន្ត្រី គយតែងតែប្រដេញរថយន្តតាក់ស៊ីណាដែលមិនបង់លុយឱ្យប្រចាំខែគឺក្នុង មួយខែ៤៥០$ទៅ៦០០$ជាថ្នូរនឹងគេមិនតាមប្រម៉ាញ់។ក្រោយដាក់ពាក្យ ប្តឹងមកតុលាការអ្នករត់តាក់ស៊ីតែដឹកទំនិញរត់ពន្ធរូបនេះនិង មិត្តភក្តិនៅក្រុងប៉ោយប៉ែត ស្នើឲ្យមន្ត្រីតុលាការខេត្តបន្ទាយមានជ័យ កោះហៅមន្ត្រីគយ និងរដ្ឋាកររូបនោះ មកសាកសួរ និងចាត់វិធានការតាមនីតិវិធីឲ្យបានឆាប់រហ័ស។
ពែកចាន់ រ៉ាឲ្យដឹងថាខ្លួនពិបាកសង្ឃឹមនៅសុំអន្តរាគមន៍ពីមន្ត្រីអង្គការ លីកាដូ(LICADHO) ខេត្តបន្ទាយមានជ័យដើម្បីសម្របសម្រួលដាក់ពាក្យពាក្យប្ដឹងមន្ត្រីគយនៅ ខេត្តបន្ទាយមានជ័យព្រោះមន្ត្រីអាជ្ញាធររដ្ឋាភិបាលមិនអោយតម្លៃ អង្គការក្រៅ រដ្ឋាភិបាលតែខ្លួននៅតែ ប្តឹងអោយអស់ចិត្ត។
បើតាមអ្នករតើតាក់ស៊ីនេះ អោយដឹងថា :ខ្លួនប្តឹងមន្ត្រីគយចំនួន៣នាក់ទៅសាលាដំបូងខេត្ត គឺ១-លោក ឆែ សុធា (ប្រធានសាខាគយខេត្តបន្ទាយមានជ័យ),២-លោក ហ៊ុយ សុជាតិ (ប្រធានការិយាល័យគយច្រកទ្វារព្រំដែនប៉ោយប៉ែត) និងលោក រដ្ឋ វីរៈ មន្ត្រីគយចល័តប្រចាំផ្លូវជាតិលេខ៥-កូនដំរី។ គឺប្តឹងពីបទហិង្សាបង្ករបួសស្នាមដោយចេតនានៅចំណុចកូនដំរី សង្កាត់និមិត្ត ក្រុងប៉ោយប៉ែត កាលពីថ្ងៃទី១៣ ខែឧសភា កន្លងទៅហើយសុំតុលាការផ្ដល់យុត្តិធម៌ និងទាមទារសំណងជំងឺចិត្តចំនួន ២០ម៉ឺនដុល្លារ៕
ចំនួនអ្នកទស្សនា
- ថ្ងៃនេះ1901
- ម្សិលមិញ14181
- សប្តាហ៍នេះ1901
- ខែនេះ117051
- ឆ្នាំនេះ117051
- សរុប20559507